ڕێکخراوی "ستۆپ" بۆ چاودێری و گەشەپێدان ڕێکخراوێکی قازانج نەویستە کە لە فەرمانگەی ڕێکخراوە ناحکومییەکان لە هەرێمی کوردستان و لە بەغدا تۆمارکراوە. ڕێکخراوەکە لە ساڵی 2013 لەلایەن چالاکوانانی خۆبەخشەوە دامەزراوە و هەوڵدەدات هاوڵاتیان بەتایبەت گەنجان بەشداری لە پاراستنی دامودەزگا گشتیەکان و تایبەتەکانی حوکمکردن بکەن. بە دڵسۆزی کاردەکات بۆ بەهێزکردنی سەروەری یاسا و بەڕێوەبردنی باش و ڕەخساندنی دەرفەت بۆ گەشەپێدانی گەنجان. هەروەها ڕێکخراوەکە جەخت دەکاتە سەر بنیاتنانی کۆمەڵگەی تەندروست و بەرەوپێشبردنی لێپرسینەوە و دروستکردنی ژینگەیەکی شەفاف و سەلامەت کە لەسەر بنەمای ئازادی و بەها دیموکراسیەکان بێت.