عێراق وڵاتێکی دەستوری و پەرلەمانیە. دوایین هەڵبژاردنی پەرلەمانی لە تشرینی یەکەمی 2021 ئەنجامدرا و بە شێوەیەکی گشتى بە هەڵبژاردنێکی ڕەوا هەژمارکرا. هەڵبژاردنەکە لە لایەن چاودێرانی ناوخۆیی و نێودەوڵەتی ، بریتی لە یەکێتی ئەوروپا، نێردراوی نەتەوە یەکگرتووەکان بۆ یارمەتیدانی عێراق و ژمارەیەک لە ڕێکخراوەکانی کۆمەڵگەی مەدەنی هەڵسەنگاندنی بۆ کرا. چاودێرانی ناوخۆیی و نێودەوڵەتی هەڵبژاردن، باسیان لە باشترکردنی شەفافیەتی ئەم هەڵبژاردنە کرد بە بەراورد بە هەڵبژاردنی 2018. سەرەڕای ئەم هەڵسەنگاندنانە، متمانەی گشتى بە سیستەمی هەڵبژاردنی عێراق لە ساڵەکانی ئەم دواییە بەردەوام دابەزیوە. بەشداریکردنی دەنگدەران لە هەڵبژاردنی پەرلەمانی ساڵی 2021 بە ڕێژەی 43.3 بوو - کەمێک زیاتر لە نیوەی ئەوانەی لە ساڵی 2005 دەنگیاندا. بەشی ئێستا ووتاری تێروتەسەڵ و توێژینەوەکانی سیاسەت لەخۆ دەگرێت کەوا باس لە هەڵبژاردن، میکانیزمی دەنگدان و بەشداریکردنی دەنگدەران لە عێراق دەکات.
