موسڵ فێستیڤاڵی کولتووری دەگێڕێتەوە (بەغداد)
ڕێکخراوی پەرلەمان بە خۆشحاڵیەوە بانگهێشتتان دەکات بۆ فێستیڤاڵی ڕۆشنبیری ‘موسڵ تێڵس’ لە ئەلقیشلا لە بەغدا.
بانگهێشتتان دەکەین بۆ دۆزینەوەی فرەچەشنی نەینەوا لە ڕێگەی نمایشێکی بوکەڵە و ڤیدیۆی ئەنیمەیشن و پێشانگای وێنە و ڕۆمانی گرافیکی.
نمایشی بوکەڵەی سەرنجڕاکێش ‘هێلانە’ دەمانباتە موسڵ. بەبێ پێویستی بە وشە، چیرۆکێکی پەیوەستبوونەوە و هۆشیاری ژینگەیی و هێزی کۆمەڵگا دەگێڕێتەوە. خۆت نوقم بکە لە جیهانی بوکەڵە و دەمامک و مۆسیقادا.
‘Nest’ لە ڕۆژی هەینی ٢٦ی نیسان کاتژمێر ٦ی ئێوارە و شەممە ٢٧ی نیسان کاتژمێر ١ی پاشنیوەڕۆ نمایش دەکرێت.
ئەنیمەیشنەکان لە ڕێگەی هونەری مۆدێرنی ئەنیمەیشنی کۆمپیوتەرەوە چیرۆکە فۆلکلۆرییە
کۆنەکان و چیرۆکە زارەکییەکان دەهێننەوە ژیانەوە.
. لە پێشانگاکەدا دەتوانن لە ڕێگەی وێنەکانی ئێمیلی گارثوایتەوە نەینەوا بدۆزنەوە و کارە هونەریەکانی ڕۆمانی گرافیکی ‘موسڵ تێڵس’ ببینن کە میراتی کولتووری نەینەوا نیشان دەدات. وەرە و کتێبێکی ڕۆمانی گرافیکی ناوازە بۆ ماڵەکەت بگرە، هەروەها!
کارنامە:
ڕۆژی یەکەم: هەینی، ٢٦ی نیسانی ٢٠٢٤ (ڕۆژی ڕۆژنامەوانی)
کاتژمێر ٥:٣٠ ئێوارە: کردنەوەی فێستیڤاڵ
کاتژمێر ٦ی ئێوارە: نمایشی بوکەڵە
کاتژمێر ٧ی ئێوارە: نمایشکردنی ڤیدیۆی ئەنیمەیشن
ڕۆژی دووەم: شەممە، ٢٧ی نیسانی ٢٠٢٤
پێشانگاکە لە کاتژمێر ١١ی بەیانی تا ٥ی ئێوارە کراوە دەبێت
کاتژمێر ١ی پاشنیوەڕۆ: نمایشی بوکەڵە
کاتژمێر ٢:٣٠ی پاشنیوەڕۆ: نمایشکردنی ئەنیمەیشنەکان
ئەم چالاکییە بەشێکە لە پڕۆژەی موسڵ تێڵس کە لەلایەن ڕێکخراوی پەرلەمان و ئاژانسی پایا جێبەجێکراوە و لەلایەن فەرمانگەی دەرەوەی فیدراڵی ئەڵمانیا و ئارت+ەوە پارەی بۆ دابینکراوە.
